عاشورا گونی عالم اولوب هامی عزادار
قاره گییب عالم حسینه شاه فداکار
تبراق اولوب عالم باشینه گئتدی سپهدار
هم گون قارالیب آی باتیب اولدی گونوموز تار
سسلیر یرینن گوی هامیسی جانم حسین جا ن
حسین جانم حسین جان حسین جانم حسین جان
زینب ووروری باشینه ای قارداش حسینیم
هاردا قالیب اول قانه باتان نور دو عینیم
قارداش نه دییم قزلارا من بس نجه اِ یلیم
جسمون یووارام تبراقینی اشکیله سِئیلیم
قارداش هامی عمرومده گیَم قاره حسین جان
حسین جانم حسین جان حسین جانم حسین جان
سَسلیر غمیلن نازلی رقیه بابام ای وای
آز قالدی ئوله تا دیه آغلار بابام ای وای
ناله اِئدیر آهیله سکینه بابام ای وای
سَسلیر حرمون قزلاری ای وای بابام ای وای
زهرا دییر ای وام بالام ای وای حسین جان
حسین جانم حسین جان حسین جانم حسین جان
آیا بوحسین زاده ی زهرای علیدور
هم گوز ایشیقی اَحمده برنای علیدور
اللهَ باش اَیماق حسینه ذات جَلیدور
جنگ اِئتماقا اونّان هامیسی کفرون اَلیدور
هم کرب و بلا سَسلیری ای وای حسین جان
حسین جانم حسین جان حسین جانم حسین جان
اوخ شعله ووروب قدّ کمانّان گویه قاخدی
گوزلر بَرَلیب گویده مَلَکلر اونا باخدی
شرمیله قالب گویده دَیَن سینیه باخدی
اذن ایستَدی مولا دِئدی شرم اِیتمه بواخدی
مین سوزیله اوخ هایلادی ای وای حسین جان
حسین جانم حسین جان حسین جانم حسین جان
بوکرب و بلا میدانی اوخ تیریله دولدی
باخ گورحسینون قانلی بدن تیریله دولدی
دشمن اونون اطرافینه باخسان نجه بولدی
دشمن ووروری بیلمیری باشدی یادا قولدی
سَسلیر او زماندا باجسی زینب حسین جان
حسین جانم حسین جان حسین جانم حسین جان
زینب ووروری باشینه عرض اِیلیری قارداش
دشمن نه جسارتله وورور اوخ سنه قارداش
عباسی گوزون دشمن اوزاق گوردی وورورداش
بیر گورنجه آغلیر او رقیَّن توکیری یاش
سسلیر هامی بو خیمه ده ای وای حسین جان
حسین جانم حسین جان حسین جانم حسین جان
مخلص 1374/05/12